Shan Herald Agency for News (SHAN)
(General News) မီးၵွင်ႈၵၢင်ႇၵူၺ်း ဢမ်ႇမီးသတိ ၸၢင်ႈပဵၼ်ၵူၼ်း/ၸုမ်း ၵေႃႇၵၢၼ်ႁၢႆႉ
မီးၵွင်ႈၵၢင်ႇၵူၺ်း ဢမ်ႇမီးသတိ ၸၢင်ႈပဵၼ်ၵူၼ်း/ၸုမ်း ၵေႃႇၵၢၼ်ႁၢႆႉ ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း ၸုမ်းယိပ်းၵွင်ႈၵၢင်ႇ ၵမ်ႈၼမ် ၵႆႉလၢတ်ႈဝႃႈ တႃႇတူၺ်းထိုင်ၵူၼ်းမိူင်း ၊ တႃႇၵႅတ်ႇၵင်ႈၽေးပၼ် ၵူၼ်းမိူင်း ဝႃႈၼႆလွၼ်ႉလွၼ်ႉ ။ ၵူၺ်းၵႃႈ ၵူၼ်းမိူင်းဢမ်ႇတွၼ်ႉလႆႈယူႇသႃႇမႃး ။ ပၢႆလႆႈလူႉသုမ်းၸွမ်းလၢႆၸိူဝ်ႉလၢႆပိူင် ။ ၺႃးလူ လၢႆဢဝ်တၢႆ ၶႃႈႁႅမ်ႁုၵ်ႉႁုၵ်ႉႁၢႆႉႁၢႆႉမႃးၶိူဝ်းယႂ်း။ ၼႂ်းလိူၼ်ၼႆႉ ႁၼ်ဝီႊတီႊဢူဝ်ႊ ဢၼ်ၵူၼ်းယိပ်းၵွင်ႈၵၢင်ႇလၢႆၵေႃႉ ႁူမ်ႈၵၼ် ႁဵတ်းႁၢႆႉၶႃႈႁႅမ်ၼၢင်းယိင်းၵေႃႉၼိုင်ႈ လုတ်ႈဢွၵ်ႇမႃးၼိူဝ်ၼႅင်ႈသိုဝ်ႇ။ လွင်ႈၼႆႉ ႁဵတ်းႁႂ်ႈ ၵူၼ်းၼမ်ႁၼ်ဝႃႈ ၸုမ်းယိပ်းၵွင်ႈၵၢင်ႇၼႆႉ မိူၵ်ႈမႂ်ႈ ႁဵတ်းလႆႈတေႃႇၵူၼ်းမိူင်းဢၼ်ဢမ်ႇမီးသင် ဢမ်ႇႁူႉသင်ၼၼ်ႉ။ ၼႂ်းမိူင်းႁူမ်ႈ တုမ်မၢၼ်ႈ ပတ်းပိုၼ်ႉ ပႃးၸဵမ်မိူင်းတႆးၼႆႉ ၸုမ်းယိပ်းၵွင်ႈၵၢင်ႇမီးၼမ်လႄႈ ၵူၼ်းမိူင်းၸၢင်ႈၺႃးၽေးႁုၵ်ႉႁၢႆႉမိူၼ်ၼႆတင်းၼမ်။ ၸုမ်းယိပ်းၵွင်ႈၼႆႉ တေဢၢၼ်းယိပ်းၵွင်ႈသေမေႃၶႃႈမေႃႁႅမ်ၵူၺ်းယဝ်ႉႁႃႉ တေယဵၼ်းပဵၼ်ၸူၼ်ႁုၵ်ႉႁၢႆႉၵႂႃႇ ထိုင်တီႈ ၵူၼ်းမိူင်းယူႇၵိၼ်ဢမ်ႇလႆႈၵူၺ်းယဝ်ႉႁိုဝ်ၼႆ ပဵၼ်ၵႂၢမ်းထၢမ်ဝႆႉ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢႆးၼႄပၼ်ၵႂႃႇၶႃႈဢေႃႈ။ #ၽူႈတွႆႇႁွၵ်ႈ #ShanNews
